Thursday, December 27, 2012

ချစ်မကြီး မမစံပယ် မွေးနေ့အမှတ်တရ....

စံပယ်....လေ 
ရေခြား  မြေခြား  နိုင်ငံရပ်ခြားမှာ
မိဝေး  ဖဝေး  ရင်ခွင်ဝေးလျက်
လွင်ပြင့်လက်ကို  အတူတူတွဲ
ဘ၀အတွက်  တိုက်ပွဲဝင်နေလိုက်ခဲ့တာ...
ခုဆို  အမေပေးတဲ့  မွေးနေ့တစ်ခုတောင်
ဖြတ်သန်း  ကျော်လွန်မြောက်ခဲ့ပြီလေ...
စံပယ်....ရေ
နောင်လာမဲ့  နေ့သစ်များစွာမှာလဲ
စံပယ်ချစ်တဲ့  လွင်ပြင့်လက်ကို  အတူတူတွဲ
ဘ၀အတွက်  တိုက်ပွဲဝင်နေရင်းနဲ့ 
ပျော်ရွှင်စရာ  မွေးနေ့များစွာကို
ဖြတ်သန်းနိုင်ပါစေလို့
ဆုတောင်းပေးလျက်......

ချစ်မကြီးရဲ့
ညလေးမိုးနတ်

(နောက်ထပ် ဆုတောင်းမိနေတာ တစ်ခုရှိသေးတယ်.....
ချစ်ကိုကြီးက ပြောတယ်လေ...ဘယ်နေ့မှန်းတော့
သေချာမသိသေးပေမဲ့ သိပ်မဝေးတဲ့ တချိန်ချိန်မှာတော့
မြန်မာနိုင်ငံကို အပြီးပြန်လာဖြစ်မယ်တဲ့......
အဲဒိ အိပ်မက်ဟာ ချစ်မကြီးရဲ့အိပ်မက်လဲ ဖြစ်မယ်ဆိုတာ
ညလေးသိနေတာမို့ အမေစုရှိတဲ့ ချစ်မကြီးချစ်တဲ့
မြန်မာပြည်ကို အမြန်ဆုံးပြန်လာနိုင်ပါစေလို့ 
ညလေးဆုတောင်းပေးနေပါတယ် မရေ......)

မွေးနေ့မှာ ပျော်ရွှင်ပါစေ “ မ ”
I love u so much and 
Get a Happy New Year !!!
Arr bwarr :)))

Sunday, December 16, 2012

ကိုယ်ပြန်လာပြီ.....:)

ဝေးးးးးးးးးးးးးးးးးး  ပျော်ထှာ..... နာ့ဘလော့လေးပြန်ဖွင့်လို့ရပြီကွ..... ဟာဟ.......မိုးနတ်မင်းကြီး ပြန်လာပါပြီ.... ထို့ကြောင့်  နတ်သားလေးများနှင့်  နတ်သမီးလေးများကို ပျော်ပါစေကြောင်း
သတင်းကောင်းပါးအပ်ပါ၏...... ဟိ..... ဘူမှလဲ  မေးပဲနဲ့ စွတ်ပြောနေဒယ်  ...ဇွတ်.....:P   အစကတော့  မိုးနတ်ရဲ့  
ဘလော့လေးဖွင့်မရတာနဲ့  ပတ်သက်လို့  ရယ်စရာဟာသလေးစွက်လို့ ပို့စ်လေးတစ်ပုဒ်လောက် ရေးပြီးတင်မလို့ပါ.....(အစကပြောပါတယ်) ခု....မဟုတ်တော့ဘူးနော်..အဲလို..:)
အချိန်ကာလရွေ့လျောလာတာနဲ့အမျှ  ကော်နက်ရှင်ကလဲ 
မကောင်းတာနဲ့အညီ  ရှည်လျားလွန်းသော  ထိုပို့စ်ကို တင်ရန် 
အကြံကိုလက်လျှော့လို့  ( အင်း......ဘလော့နဲ့ဝေးသွားတာ လ၀က်လောက်ပဲရှိသေးတယ်....လေသံက ခပ်စိမ်းစိမ်း.....အာ......ဟုတ်ပါဘူးးးးးးးး အဲလိုမထင်ကြပါနဲ့
ဘလော့ဂါမောင်နှမတို့ရယ်....အားလုံးကို  မိုးနတ်အရမ်းပဲ  သတိရနေပါတယ်...ပို့စ်လေးကိုလဲ စိတ်ပါလက်ပါနဲ့ရေးပြီး  တင်မယ်ကြံကာမှ  လိုင်းကလဲ  ၀င်သက်ထွက်သက်..........
တခါတလေဆို  လုံး၀၀င်လို့မရတဲ့နေ့တွေတောင်  ရှိသေးတယ်...) အဲဒါကြောင့်  ဘယ်သူ့ရဲ့ သဘောတူညီမှုမှ မယူပဲ ကိုယ့်တဦးတည်းရဲ့သဘောနဲ့   ပြတ်ပြတ်သားသားကို
ဆုံးဖြတ်ချက်ချလိုက်ပါတယ် ........ဘာတဲ့........   “ အဲဒိအခန်းကျော်လိုက် ” .......ကောင်းကွာ......... ဒါထက်  မြန်မာပြည်ရဲ့  ကော်နက်ရှင်နဲ့  ပတ်သက်ပြီး  မိုးနတ် စာတိုလေးရေးထားတာရှိတယ်......အားပေးကြအုံးမလား....
fb မှာတော့  တော်တော် like ကြတယ်..
ပြီးတော့  မိုးနတ်ကိုလဲ  မေးကြတယ်....“ မင်းက ရက်ပါလေဒီလားဟင်”  တဲ့ ......
မိုးနတ်ရွတ်ပြမယ်နော်........

ဟာ............................
ဒီကော်နက်ရှင်ကြီးကလဲ  ကျ.....ကျ.....ကျ....
စိတ်ဓါတ်တွေလဲ  ကျ.....ကျ......ကျ.....
မြန်မာနိုင်ငံကြီးမှာ လူဖြစ်ရတဲ့ ဒုက္ခ
ဘ၀......ဘ၀......ဘ၀.........................(ဟိ ဘာမှလဲ ဟုတ်ပါဘူး....ကြုံတုန်းတင်ပြလိုက်တာပါ..ဒီလိုပဲ)

ပြီးတော့  လူစုံတုန်း  ရှင်းပြစရာ  တစ်ခုရှိပါတယ်... ( ဒါကတော့ အတည်ပါ ) တကယ်တော့  ဒီအကြောင်းကို  သီးသန့်ပို့စ် 
တစ်ခုအနေနဲ့  ရေးပြီး  တင်မလို့တောင် စဉ်းစားထားသေးတယ်....  ခုတော့  လူစုံတုန်း  ရှင်းပြလိုက်တော့မယ်နော်........
နားလည်ပေးကြလိမ့်မယ်လို့   မျှော်လင့်မိပါတယ်..........
မိုးနတ် ဟိုအရင်ရက်တုန်းက  အသဲကွဲနေတယ်လို့  အားလုံးကို  မက်ဆေ့ခ်ျပေးဖူးပါတယ်......ကဗျာအောက်နားလေးတွေမှာပါ....... ဟုတ်ပါတယ်........မိုးနတ်တကယ်အသဲကွဲခဲ့ပါတယ်....
ဒါပေသိ.... ဘလော့ဂါမောင်နှမတွေ  အားလုံး
ထင်မြင်ယူဆနေကြသလို  မိုးနတ်ချစ်သူက မိုးနတ်ကို  
အသဲခွဲပြီးထားခဲ့လို့မဟုတ်ပါဘူး......မိုးနတ်တို့  သိပ်ချစ်ရက်နဲ့  
မိုးနတ်က  ခုချိန်မှာ  သူ့ကို မရွေးချယ်နိုင်သေးလို့  မသေချာတဲ့  
အချိန်တွေကို  မျှော်လင့်စောင့်စားမနေကြပဲနဲ့  လမ်းခွဲဖို့  ပြောလို့ သူက  စိတ်ဆိုးပြီး  မိုးနတ်နဲ့လမ်းခွဲသွားတာပါ....
အဲဒိအတွက်  မိုးနတ်သူ့ကို  နဲနဲလေးမှ အပြစ်မတင်ခဲ့ပါဘူး....
မိုးနတ်ဘက်ကအလွန်ကိုး......သူကပြောဖူးတယ်  မိုးနတ်မှာ  အချစ်ထက်ဦးစားပေးရမဲ့အရာတွေ  တော်တော်များတယ်ထင်တယ်တဲ့...
ဟုတ်ပါတယ်  မိုးနတ်ကလဲ  သိပ်ကိုလောဘကြီးတဲ့  ခပ်ဆိုးဆိုးကောင်မလေးမို့  သူ့လို  ရိုးသားအေးချမ်းပြီး 
ရောင့်ရဲ့တင်းတိမ်တတ်တဲ့လူတစ်ယောက်နဲ့  ဘယ်လိုမှကို  မလိုက်ဖက်ပါဘူး.....တကယ်တော့ ရင်ထဲမှာသူ့ကိုသိပ်ချစ်တာပေါ့ 
(အဲဒါ အမှန်ကို ၀န်ခံတာ....ပြီးတော့ ဘယ်လိုပြောရမလဲ...)
ဘယ်လိုမှကို  မပြောတော့ပါဘူးနော်......ဘာကြောင့်ဆို 
သူ့အကြောင်းတွေကို  ပြောရတာ  ဘယ်တော့မှ မကုန်နိုင်ဘူး
ထင်မိလို့ပါ....ဆက်ပြောရင်  မိုးလင်းသွားနိုင်တယ်.....
ဒီကြားထဲ ကွန်က  ကျသွားရင်  မိမိုးနတ်တို့ ငုတ်တုတ်မေ့ရအုံးမယ်လေ......လိုရင်းကိုပဲ  ပြောပါမယ်......
မိုးနတ်တို့  အချစ်က  အနေဝေးလွန်းတာနဲ့အမျှ  ဖြူစင်ရှင်းသန့်တာနဲ့
အညီ  မယုံနိုင်စရာကောင်းလောက်ကို  သိပ်ချစ်ကြတယ်....
အဲဒါကြောင့်  သူနဲ့ဝေးရတဲ့နောက်မှာ  မိုးနတ်သိပ်ခံစားခဲ့ရတာပေါ့......
ပြီးတော့  မိုးနတ်က  ကဗျာတွေရေးနေတဲ့သူဆိုတော့ (ကဗျာဆရာမလို့
မပြောဘူးနော်...:) )  ကဗျာရေးတဲ့သူတွေဆိုတာ......
(ပြောရရင် မောင်လေးတစ်ယောက်က မေးဖူးသလိုပေါ့)
အမ.. ကဗျာဆိုတာ ခံစားချက်ရှိမှရေးလို့ရတာမလားတဲ့ ....
အင်း.....အဲဒါလဲမှန်ပါတယ်...ဒါပေမဲ့  အမအတွက်ကတော့ 
ပတ်ဝန်းကျင်မှာကြုံရတဲ့ အဖြစ်အပျက်လေးတစ်ခု...ရုပ်ရှင်ထဲက ဇာတ်လမ်းလေးတစ်ကွက်.....တခါတခါ ဖတ်မိလိုက်တဲ့ စာတိုလေးတစ်ကြောင်း...တခါတခါ အတွေးလေးတစ်စ ဒါမှမဟုတ်
နားထောင်ဖြစ်လိုက်တဲ့ သီချင်းလေးထဲကလဲ ကဗျာတစ်ပုဒ် ထွက်လာတတ်တယ်လို့ ဖြေလိုက်မိတယ်.....အားလုံးပဲ 
ကဗျာရေးဖူးကြတဲ့သူတိုင်း သိကြမှာပါ....တခါတလေ အတွေးလေးတစ်စရမိတာ......ညကြီးမင်းကြီး အိပ်ရာထဲရောက်မှ 
စာအုပ်နဲ့ခဲတံ..ကောက်ကိုင်ပြီး ကမန်းကတန်း ထရေးလိုက်ရတယ်
ခုတလောဆို အဲလိုခဏခဏ ဖြစ်တယ်......ဘာလို့လဲ မသိ..........အာရုံဝင်စားမှုများလာလို့ထင်တယ်:P
(မိုးနတ်က ကဗျာရေးရင် ဘောပင်နဲ့ တစ်ခါမှမရေးဘူး......ခဲတံနဲ့ပဲရေးတယ်....
ခဲသားနက်နက်ကလေးနဲ့  ခဲတံလေးရယ်....
အကြမ်းစာအုပ်လေးရယ်ကို  အနားမှာအမြဲဆောင်ထားရတယ်......
တကယ့်ဆရာမကြီးလေသံ) ပြောပြတာပါ..
ဟာ.....ပြောရင်းနဲ့ ဆိုလိုရင်းက ပျောက်ပြီး  လမ်းကြောင်းက လွဲသွားပြန်ပြီကွာ....တကယ်ပဲ........:)
ပြောချင်တာက မိုးနတ်က ကဗျာတွေရေးဖြစ်နေတဲ့သူဆိုတော့ ကုန်ကြမ်းရတဲ့အခါမှာ (ပြောရရင်....အသဲကွဲတယ် ဆိုတာလဲ 
ကုန်ကြမ်းတစ်မျိုးပေါ့နော်....) အဲဒိအခါ ကိုယ်ခံစားရတာကို အခြေခံပြီး ရင်ဘတ်ထဲက  စကားလုံးတွေက  အရောင်စုံထွက်ကျလာတာပေါ့......
စိတ်ကြည်နူးမိခဲ့ရတာလေးတွေကို ပြန်တွေးမိရင်  ကဗျာလေးတွေက
နူးညံ့မယ်......မိုးနတ်တို့ဝေးကွာသွားရတာကို  စိတ်မကောင်းဖြစ်မိတဲ့ အခါကျရင် ကဗျာလေးတွေက  ကြမ်းတမ်းအက်ရှပြီး   ခါးသီးနေမှာပေါ့
တခါတခါ  ကဗျာတွေက  ခံစားချက်ပြင်းသွားတဲ့ အခါ လူတွေက မေးကြတယ်....မိုးနတ်ချစ်သူက တော်တော်ဆိုးလားတဲ့...
ဟင့်အင်း.......ဆိုးသားဆိုးရင် မိုးနတ်ကသာ ဆိုးတာပဲဖြစ်မှာပါ
သူကတော့ ...........ထားပါလေ.......ခုက စလို့ ရှေ့ကို
မိုးနတ်ပို့စ်တင်တဲ့အခါမှာ “ ကို ” ဆိုတဲ့ ပုရိသ တစ်ယောက်အကြောင်း ထဲ့ရေးတော့မှာ  မဟုတ်သလို  သူနဲ့ပတ်သက်တဲ့  ကဗျာတွေ အသဲကွဲတဲ့အကြောင်းတွေလဲ  ပြည်ဖုံးကားချလိုက်ပါပြီ....
နောက်ဆို  စိတ်သစ်လူသစ်နဲ့ပဲ  မိုးနတ်နေသွားတော့မှာပါ........
ကဗျာတွေကိုလဲ  အရင်ကထက်  နှစ်ဆတိုးပြီးရေးလို့ 
ပို့စ်အသစ်တွေကိုလဲ  တစ်ပါတ်တစ်ခါ  မှန်မှန်တင်ပေးပါ့မယ်......
အားလုံးကိုလဲ  အရမ်းပဲ သတိရနေပါတယ်........
ရေးရင်းရေးရင်းနဲ့  မထင်မှတ်ပဲ  ၀န်ခံချက်တွေများပြီး  ရင်ဖွင့်စာလို
ဖြစ်သွားတဲ့ပို့စ်လေးကို  သီးခံပြီးဖတ်ပေးကြတဲ့  မောင်နှမတွေကို
ကျေးဇူးအများကြီးတင်ပါတယ်.......:)))
(ဖတ်ရတဲ့သူတွေတော့ မသိဘူး.....ရေးသူတော့မယ်.....
ရင်ထဲ တကယ်ကိုပေါ့သွားတယ်ကွယ်...:D)
အားလုံးနဲ့လဲ  မတွေ့ရတာကြာပြီမဟုတ်လားရှင်......
ပျော်ရွှင်စရာကောင်းတဲ့  ဒီဇင်ဘာလေးဖြစ်ပါစေနော်......
Merry  Christmaxxxxxxx !!!

အားလုံးရဲ့ မိုးနတ်ကြယ်စင်








Friday, November 30, 2012

အငိုက်မိခြင်း

“ အချစ် ” က  လူကို တကယ်ပဲ
 တိမ်းညွှတ်ယစ်မူးစေတတ်သလား......?
 အထိအတွေ့တွေ  မပါ...ပါပဲ
 ငါတို့  တစ်ယောက်ကို  တစ်ယောက်
 စွဲလန်းခဲ့ကြတယ်.......
 အကြည့် အငွေ့တွေနဲ့  သာယာမိတဲ့
 တင်္ဒဂမှာတော့  သံယောဇဉ်များစွာဟာ
 တိုးလို့သာ  တွယ်တာနှောင်ရစ်စေခဲ့တယ်...
“ အချစ် ” .......ရယ်
 ဆန့်ကျင်ဘက် လူနှစ်ဦးကြား
 မွေးဖွားလာခဲ့တဲ့ မင်းကိုလေ
 ငါ တကယ်ပဲ အံ့သြမိပါရဲ့.....
 “ အချစ် ” ........ကွယ်
 ငါတို့နှစ်ဦးကြား ဖြတ်စီးသွားလိုက်တာများ
 လျင်မြန်လွန်းတာမို့
 ငါ့မှာတော့ တုန်ရီမောဟိုက်
 နွမ်းလျလို့သာ ကျန်ရစ်တယ်.......

Saturday, November 24, 2012

ကလေးရေ...

ကလေးရေ.....
အတွေးတွေထဲမှာ  ရှင်သန်နေဆဲ
မင်းပုံရိပ်လေးကို  မြင်ယောင်မိတိုင်းပဲ
ညညဆို  ကိုယ့်မှာ  အိပ်လို့မပျော်နိုင်ခဲ့ဘူးကွယ်...

“ ပျော်ရွှင်ခြင်း ”  ဆိုတဲ့ 
ကလေးနဲ့ပတ်သက်တဲ့  ရင်ခုန်သံကို
ကိုယ့်ရင်တစ်ခုလုံးနဲ့ အပြည့်  စိုက်ပျိုးထားချင်လို့
“ ကြင်နာခြင်း ”  ဆိုတဲ့  မျိုးစေ့လေးကို 
ကိုယ့်နှလုံးသားအောက်ခြေမှာ 
ကလေးက  လာကြဲပေးပါတော့လားကွယ်.....

ချစ်တယ်.....ချစ်တယ်......ကလေးလေးရယ်.......
ဒါဟာ  ဘယ်အချိန်မှာပဲမေးမေး
မပြောင်းလဲနိုင်တဲ့  အဖြေတစ်ခုဖြစ်သလို
ကိုယ့်အသက်ရှင်သန်နေသရွေ့လဲ
တည်မြဲနေမဲ့  အရာတစ်ခုပါပဲ.....
ကလေးကို  ကိုယ်က  ထားရစ်ခဲ့ဖို့ဝေးလို့
ကလေးက  ကိုယ့်ကို  စွန့်ပစ်သွားမှာကိုတောင်
ကိုယ်က သိပ်ကြောက်နေမိတာပါ  ကလေးရယ်.....

မေတ္တာတရား  ဆိုတာလေ...
သိမ်မွေ့နက်ရှိုင်းပြီး  ထုထည်ကြီးမားလွန်းတာမို့
တခါတခါ  ကလေးနားလည်အောင်  ပြောပြဖို့...
ကိုယ်ဟာ  စကားလုံးတို့  ပျောက်ရှနေတတ်လို့.....
ကလေးကရော......မကြာမကြာ
ကိုယ့်အပေါ်  ဆိုးနွဲ့နိုင်လွန်းတာဟာ
ကိုယ့်ကို  ချစ်လွန်းလို့ပဲလားဟင်....?

ကိုယ့်မှာတော့  စိတ်ကူးယဉ်အိပ်မက်တွေ
မက်ပြီးရင်းမက်.........ဒီလိုနဲ့........  .........
တွေဝေမနေပါနဲ့တော့  ကလေးလေးရယ်
ကိုယ့်နှလုံးသားကို  စီရင်အုပ်ချုပ်
ကိုယ့်ဘ၀ကို  ခြယ်လှယ်မင်းလုပ်ဖို့
ကိုယ့်ရင်ခွင်တံခါးလေး  တွန်းဖွင့်လို့
အထီးကျန်နေတဲ့  ကိုယ့်ဘ၀လေးဆီ
ကလေးလေး......လာခဲ့ပါတော့လားကွယ်......

Monday, November 19, 2012

ပြန်မလာနဲ့

လေးနက်တဲ့  ကဗျာတစ်ပုဒ်လို 
မင်းမျက်နှာလေးကို  ခံစားပြီးရင်းခံစားလို့
နူးညံ့တဲ့  စကားလုံးတစ်ချို့ကို 
ငါ့နားထဲမှာ  ပြန်ကြားပြီးရင်း ပြန်ကြားလို့
ငါ့မျက်ရည်တွေ  မြစ်လိုစီး...
ငါ့သောကမီးတွေ  ပင်လယ်လောက်ကြီးမှ
မင်းက  ကျေနပ်နိုင်မှာလား  ချစ်သူ....
ဒဏ်ခတ်တယ်  ဆိုရင်လဲ  တော်လောက်ရောပေါ့...
ဝဋ်ကြွေး  ဆိုတာရှိခဲ့ရင်လဲ  ကြေပါစေတော့...
နေသာသလိုသာ  နေလိုက်ပါ....
ငါက  နင့်အတွက်  အစကတည်းက
ဘာဆိုဘာမှ  မဟုတ်ခဲ့တဲ့ကောင်ပါ...
ငါသိတာပေါ့.......
နင့်မျက်ဝန်းတွေ  အရင်လိုမဟုတ်ပဲ
ငါ့အပေါ်  စိမ်းနေခဲ့တာ...
နင့်စိတ်အစဉ်ဟာ....
လေနှင်ရာလွင့်တဲ့  သစ်ရွက်တွေလို
ငါမဟုတ်ပဲ  တခြားတစ်ယောက်ဆီမှာ
ယိမ်းနေခဲ့တာ.....
တိမ်းညွှတ်လွယ်လှချည်ရဲ့  လို့လဲ
အပြစ်မတင်ချင်တော့ပါဘူး....
ဖြစ်တတ်တဲ့  သဘောတွေမို့
ငါနားလည်လက်ခံပေးလို့  ရပါတယ်
တခုပဲ.....
ငါ့ဘ၀ကို  ဆုတ်ဖြဲ...
ရက်စက်စွာနဲ့  ငါ့ကို...
ချန်ရစ်လို့  ထားခဲ့ပြီးမှတော့...
ပြန်ဆက်ဖို့  ကြိုးစားနေတဲ့ 
ငါ့နှလုံးသားကို  မင်း.....
ဒဏ်ရာတွေ ထပ်ပေးဖို့
မကြိုးစားပါနဲ့တော့..............

Saturday, November 3, 2012

တီတင့်တို့ ပုလဲရတုအတွက် တတ်အားသရွေ့အမှတ်တရ

လှိုင်းကြမ်းရေဆန်  မုန်တိုင်းထန်လဲ
အန္တာရာယ်မမှု  လောကဓံကိုအံတုလို့
ရင်ဆိုင်ဖြတ်သန်း ဘ၀ခရီးလမ်းဝယ်
လန်းသည်လဲရှိမယ်  ပန်းသည်လဲရှိမယ်...
တခါတခါ  ကြမ်းပါသော်လည်း 
နွမ်းတာကိုလဲ  မမှုတယ်......
တယောက်လက်ကို  တယောက်တွဲ
အကြင်နာတွေ  ခိုင်မြဲလို့
နားလည်မှုတွေ  ဖေးကူ
အပေးအယူတွေ မျှခဲ့တယ်....
နောင်အနာဂတ်များစွာမှာလဲ 
သက်ဆုံးတိုင်  ဘ၀ပန်းတိုင်
လျှောက်လှမ်းနိုင်ဖို့  ရည်မှန်းရင်း
နှစ်ကိုယ်တူ  ကြည်ဖြူစွာ 
လျှောက်ခဲ့တဲ့  လမ်းထု
မှန်းစုလို့   ပြန်လည်ကာ
တမ်းတမိတော့......
ဟိုဝေးဝေး  ခပ်လှမ်းလှမ်း
တနေရာက  အစပြုလို့
လက်ရှိ  ဒီနေ့....ဒီရက် 
ဒီ....အချိန်အခါလေးမှာ
နှစ် ( ၃၀ ) ဟု
ပုလဲရတု မင်္ဂလာမြောက်ခဲ့ပြီကွယ်.....



( မနေ့ကမှ  မိုးနတ်လိုင်းပေါ်ကို ပြန်ရောက်လာတာမို့.   ဒီနေ့မှ အပြေးအလွှား ကဗျာရေးလို့.. အမှတ်တရ
အဖြစ်တင်လိုက်ရပါတယ် တီတင့်ရေ..နောက်တော့ကျသွားတယ်နော်...:P )

Friday, November 2, 2012

ဒီလိုပဲ ...အားတင်းပြီး...ဆက်လျှောက်

ပန်းတိုင်မရှိပဲ  ခရီးဆက်နေရတဲ့ဘ၀မှာ
လမ်းကလဲ အမြဲလိုလိုပျောက်ပျောက်နေတတ်လို့
အားငယ်စိတ်နဲ့  စိုးရိမ်သောကတွေဟာ
အိပ်ပျက်ညတွေရဲ့ ခြေရာ ...( ဒီလိုနဲ့ )
ငါ့ဘ၀မှာ အနှုတ်လက္ခဏာဆောင်နေတဲ့ ညတွေ
တဖြေးဖြေးနဲ့  များများလာခဲ့ပြီလေ
ဧပရယ်ရေ.......
ငါတို့တွေ့ခဲ့ကြတဲ့  နောက်ဆုံးနေ့ကလိုပါပဲ
မြင်မြင်ရာ  နေရာတိုင်းမှာ 
ခြောက်သွေ့ခြင်းတွေနဲ့  လေးလံထိုင်းမှိုင်း.....
အပြိုင်းပြိုင်းကျနေတဲ့  ပင်အိုကြီးတွေ..........
ဖေးကူ ကယ်ဆယ် ကောက်ယူမဲ့သူ
ကင်းမဲ့နေတဲ့ မြေပြင်ပေါ်က ရော်ရွက်ဝါလေးတွေ......
နွေရဲ့သရုပ်ကို အစွမ်းကုန် အံထုတ်
ဖော်ထုတ်  ပြသနေကြလေရဲ့......
ကျွန်တော့်ရှေ့မှာ  မြင်နေရတဲ့
ပစ္စုပ္ပုန်ဆိုတာကြီးကို  ခဏလောက်ဖြစ်ဖြစ်
ကျွန်တော် မေ့ထားလိုက်ချင်တယ်ဗျာ..
အနာဂတ်ဟာ  မိုးလိုစိမ်းစိုနေမလား
ဆောင်းလိုပဲ  အေးခဲနေမလား
ကြိုတင်မမြင်နိုင်သေးတဲ့  အနာဂတ်ကို 
စိတ်ကူးနဲ့  မှန်းမျှော်ကြည့်ရတာ 
တခါတခါ ရင်ခုန်စရာတော့ အကောင်းသားဗျ....
ဘ၀ဆိုတာ ရာသီတိုင်းပွင့်တဲ့ ပန်းလိုမဟုတ်ဘူး....
လင်းတလှည့်   မှိန်တခါ
ကြွေတလှည့်   ကြက်တခုန်
လောက  ဇာတ်ခုံပေါ်မှာ
အဖုံဖုံ  ကရချည်သေးရဲ့.....
နောက်ဆုံးကားလိပ်  မချခင်အထိတော့
ငါဟာ  ဒီကမ္ဘာမြေပေါ်မှာ 
ရှင်သန်နေဆဲ  လူတစ်ယောက်ပါပဲ....


( ဒါကတော့ ကျန်နေသေးတဲ့..မိုးနတ်ရဲ့ ချစ်ကိုကြီး အကိုလွင်ပြင်အတွက်...အမှတ်တရကဗျာလေးပါ
အကို့ကို ကျေးဇူးဆပ်ချင်နေတာ ကြာခဲ့ပါပြီ......မိမိုးနတ်ကလဲ ရေးတတ်တာ ဒါပဲရှိတာမို့...
နောက်တစ်ခေါက်မှ ဒိထက်ကောင်းအောင်ရေးပေးမယ်နော် ချစ်ကိုကြီး....ညလေးဘလော့လေးကို
ပထမဆုံးလာပြီး အားပေးခဲ့တဲ့ အရင်ဆုံးမန့်ခဲ့တဲ့ အကိုတော်ရဲ့ ကျေးဇူးကို ညလေးဘယ်တော့မှမမေ့
ပါဘူး.... အကိုပေးခဲ့တဲ့ ခွန်အားတွေကြောင့် မိုးနတ်ခုလိုရှေ့ဆက်နိုင်ခဲ့တာပါ...ချစ်မကြီးနဲ့ ချစ်ကိုကြီးကို
အမြဲသတိတရရှိနေပါတယ်....ကျန်တဲ့ဘလော့ဂါမောင်နှမတွေကိုလဲ မိုးနတ်အရမ်းသတိရနေတယ်..
ပြီးခဲ့တဲ့ လေးငါးရက်က မိုးနတ် အစီအစဉ်မရှိပဲ ဗြုန်းစားကြီး ခရီးထွက်လိုက်ရလို့ အားလုံးကို ပြောခဲ့ချိန်
တောင်မရလိုက်ဘူး....ခုတော့ မိုးနတ်ပြန်လာပြီး....အသစ်တွေဆက်တိုက်တင်တော့မှာပါ......
ကျန်းမာရေးကောင်းအောင်လဲ အထူးကြိုးစားနေကြောင်း သတင်းကောင်းပါးလိုက်ပါရစေ.....:P
မိုးနတ်ကို အမြဲအားပေးခဲ့တဲ့ မောင်နှမတွေကို အရမ်းကျေးဇူးတင်ပါတယ်....
ခုတလော မိမိုးနတ်တစ်ယောက် အသဲကွဲနေတာမို့...ရှေ့လျှောက်ပြီး ပို့စ်အသစ်တွေတင်ရင်
နားညည်းဖို့သာ ပြင်ထားပါတော့ဗျို့.......
အကိုလွင်ပြင်ရေ......ကဗျာလေးက အဓိပါယ်မကောင်းဘူးလို့ ထင်ရပေမဲ့....စာသားတွေကိုအာရုံမထားပဲ
ကဗျာသဘောကိုသာ ခံစားကြည့်ပေးဖို့ မိုးနတ်တောင်းပန်ပါတယ်နော်......အမှားပါသွားရင်ခွင့်လွှတ်ပါရှင်..)

Thursday, October 25, 2012

မောင့်အတွက် ကျွန်မရဲ့ကဗျာ

ယဉ်ကျေး ရည်မွန်တယ်
ပွင့်လင်း ဖော်ရွေတယ်
ကြင်နာတတ်တဲ့  မျက်ဝန်းတစ်စုံနဲ့  သူက
တခါတခါ  အိပ်မက်လှလှတွေကိုလဲ
ပေးတတ်သေးတယ်  (နောက်ပြီး)
ဘယ်တော့မဆို  နွေးထွေးတဲ့
သူ့ရဲ့ ရင်ခွင်ဟာလဲ  ကျွန်မအတွက်တော့
မိုးကောင်းကင်ကြီး  တစ်ခုလောက်ကိုဖြစ်ခဲ့ပါတယ်
ချစ်တယ်  မောင်ရယ်......
သာယာလွန်းတဲ့  မောင့်အသံကို
ကြားနေရတဲ့  တင်္ဒဂ
ဒိထက်ပိုပြီး  ပြည့်စုံတဲ့ ဘ၀
မရှိနိုင်တော့ဘူးလို့တောင် ထင်ခဲ့မိပါတယ်
မြတ်နိုးမိတယ်  မောင်ရယ်.......
တည်ကြည်လွန်းတဲ့  မောင့်မျက်နှာကို
ငေးနေမိတဲ့  တခဏ
မောင်ကလွဲပြီး  ဘယ်သူ့ကိုမှလဲ
ရင်မခုန်ချင်တော့ပါဘူးကွယ်
ကြယ်စင်တွေကို  တိုင်တည်ပြီးပြောအုံးမယ်
လမင်းကြီးလဲ ကျွန်မသစ္စာကို ယုံကြည်ပေးသင့်ပါတယ်
တကယ်တော့  ကျွန်မချစ်သူဟာ
ကြည်ကြည်သန့်သန့်လေး  (ပြီးတော့)
တည်တည်ခန့်ခန့်လေး  (နောက်ပြီး )
နွေးထွေးတဲ့  သူ့ရဲ့ ရင်ခွင်မှာလဲ 
ကျွန်မတစ်ယောက်   ခိုလှုံမှေးစက်ချင်ပြီကွယ်

( ချစ်ကိုကြီး အကိုလွင်ပြင်နဲ့ ချစ်မကြီး မမစံပါယ်တို့ရဲ့ (၇) နှစ်မြောက်အမှတ်တရနေ့လေးကို မိုးနတ်
နေမကောင်းလို့ လိုင်းပေါ်မရောက်တာနဲ့ မသိခဲ့ရပါဘူး...အဲဒိအတွက် အမှတ်တရအနေနဲ့ နှစ်ယောက်စလုံး
နဲ့သက်ဆိုင်တဲ့ ကဗျာလေးရေးပေးချင်ပေမဲ့ အရင်အခေါက်က မိုးနတ် တင်ထားတဲ့ “ အဖော်မွန်” ကဗျာလေး
လဲရှိနေတာမို့ တစ်ယောက်ချင်းစီအတွက်ပဲ ကဗျာတွေ ရေးပေးတော့မယ်လို့ စိတ်ကူးရမိပါတယ်..
အမှန်တော့ အရင်ကတည်းက ကဗျာလက်ဆောင်ရေးပေးဖို့ စိတ်ကူးရှိခဲ့တာပါ...အဲဒါကြောင့်အကိုလွင်ပြင်ရဲ့ သဲဘုစု အတွက် အရင်ရေးပေးလိုက်ပါတယ်....အဟိ......ချစ်ကိုကြီးအတွက် ချစ်မကြီးထက် အရေးတကြီးနဲ့ ဦးစားပေးတဲ့အရာမရှိဘူးဆိုတာ ညလေးသိတယ်နော်....ချစ်ကိုကြီးရေ....ညလေး အလိုက်သိတယ်ဟုတ်..
ချစ်မကြီးလဲ ညလေးရေးပေးတဲ့ ကဗျာလေးဖတ်ပြီး သဘောကျနှစ်သက်နိုင်ပါစေ...
ချစ်မကြီးနဲ့ ညလေးနဲ့ကတော့ ရင်ဘတ်ချင်းညီမယ်လို့တော့ ထင်တာပဲမရယ်....
ကျန်တဲ့ ဘလော့ဂါမောင်နှမတွေလဲ အားလုံးကို မိုးနတ်အရမ်းကို သတိရနေတယ်...
ပြန်ကြည့်တော့ မတွေ့ကြတဲ့ ရက်စွဲတွေက သိပ်မကြာသေးသလိုပဲ....
ဒါပေမဲ့ မိုးနတ်စိတ်ထဲမှာတော့  သိပ်ကြာလွန်းတယ်....
ကြိုးစားပြီးတော့ မိုးနတ်ပြန်လာနေပါပြီ.....ဒါပေမဲ့ မိုးသူပြောသလို ကွန်ပြူတာကို အာသာပြေရုံလောက်
သုံးမှ မိုးနတ်ခေါင်းက သက်သာမှာမို့  ဟင့်....ဟင့်......နဲနဲတော့ ငိုချင်နေတာအမှန်ပဲ....ဟဲ..ဟဲ
ဘယ်သူမှလဲ ချော့မဲ့သူရှိဘူးကွာ......ဟာ....ဟာ  ရင်နာတယ်.....)

Thursday, October 18, 2012

တကိုယ်ရေည

 ခန်းဆီးလိုက်ကာစတွေ  အရောင်မှိန်
 အိမ်အိုလေးလဲ  ဟောင်းခဲ့ချိန်
 မပြောင်းလဲပဲ အရင်အတိုင်း ရှိနေတာက ငါ့နှလုံးသား
 မင်းအကြောင်း  တွေးလိုက်တိုင်း
 ရင်ခုန်လှုပ်ရှား  နေတုန်းပါပဲလား
 မီးလင်းဖို  နွေးနွေးလေးဘေးမှာ  ထိုင်ငေးရင်း
 အမှတ်မရှိနိုင်လွန်းတဲ့  ကိုယ့်နှလုံးသားကို
 ကိုယ်သာ အပြစ်တင်နေမိတော့တယ်
 ကမ္ဘာဆုံးသွားတောင်  ဆုံးသေးမယ် 
 မထင်တဲ့  ငါ့အချစ်တွေ
 ဟိုစဉ်ကလိုပဲ  ပျိုရွယ်နေဆဲ
 သစ်လွင်တောက်ပ လတ်ဆတ်နေဆဲပဲ
 အားလုံးဟာ အသစ်..အသစ်
 ဟိုစဉ်ကလိုပဲ မင်းအနမ်းတွေဟာ အသစ်...အသစ်
 ရီဝေယစ်မူး အထိအတွေ့တွေဟာ အသစ်... အသစ် 
 သံစဉ်ချိုတဲ့ အပြာရောင်အိပ်မက်တွေဟာ အသစ်...အသစ် 
 မင်းအချစ်တွေသာ အသစ်ဖြစ်မလာတာ ဆိုးရွားလွန်းလှတယ်
 ဥပေက္ခာ နှလုံးသားကို အစိမ်းရောင်ခြယ်
 သံမဏိလို  သဘောထားကို  
 မင်းဦးနှောက်မှာ  ကိုင်စွဲလို့ထားမှတော့
 ဒီညလဲ  တကိုယ်တော် အိပ်မက်ကိုပဲ
 ငါ  ဆက်မက်နေရအုံးမယ်ထင်ပါတယ်

( မမရိုးမြေကျ ပြောသလို စာတွေအဆက်ပြတ်သွားမှာ စိုးလို့သာတင်ရတယ် ..မိုးနတ်ကွန်ပြူတာကို မကြည့်
နိုင်သေးပါဘူး..ခု အသစ်တစ်ပုဒ်တင်ဖို့တောင် မနဲ အားတင်းပြီး ကွန်ပြူတာကို ကြည့်ရပါတယ် အဲဒါကြောင့် နေကောင်းမှ အိမ်တွေလိုက်လည်ရင်း စာကြွေးတွေဆပ်ပါရစေနော်..မိုးနတ်ကို
နားလည်ပေးပါရှင်.....အားလုံးကို သတိရနေပါတယ်နော်.........အားလုံးရဲ့ မိုးနတ်ကြယ်စင် )

Saturday, October 13, 2012

အဖော်မွန်

မမျှော်လင့်ပဲ  ဆုံတွေ့ခဲ့ရတဲ့  မင်းဟာ
ကိုယ့်ဘ၀ရဲ့  အလင်းရောင်လေးပဲလား...?
ကိုယ်ဟာ  မင်းဘ၀ရဲ့
မိုးသောက်ကြယ်လေး  ဖြစ်ခဲ့မယ်ဆို
မင်းဟာလဲ ကိုယ့်ဘ၀ရဲ့ 
မျှော်လင့်ချက် အလင်းရောင် 
မီးရှုးတန်ဆောင်လေးပါပဲ
မင်းက  ဂစ်တာတီးပြီး 
သီချင်းတွေ  ဆိုနေတုန်း....
ကိုယ်က  မင်းရဲ့ဘေးနားမှာ  အားပေးလို့
မင်းလဲကျ ရှုံးနိမ့်ချိန်မှာ ကူညီဖေးမမဲ့သူဟာလဲ
ကိုယ်ပဲဖြစ်ရပါစေမယ်
ကိုယ်တို့  နှစ်ဦးစလုံးရဲ့  ဘ၀ဟာ
ပျော်ရွှင်ကြည်နူးနေတဲ့  အချိန်မှာပဲဖြစ်ဖြစ်
ကြေကွဲဝမ်းနဲနေရချိန်မှာပဲ ဖြစ်ဖြစ်
အမြဲမခွဲပဲ  လက်တွဲအတူတူ ရှိနေကြမယ်နော် 

 ဒီကဗျာလေးက ရေးထားတာ တော်တော်ကိုကြာနေပြီ...ပြောရရင် ကဗျာရေးတတ်ခါစကလက်ရာလေးပါ..
( အမှန်တော့ ကဗျာအသစ်တွေရေးထားတာ      အများကြီးရှိပါတယ်...ဘလော့ဂါမောင်နှမတွေကိုလဲ 
 ပေးဖတ်ချင်တာတွေ အများကြီးပါပဲ...ဒါပေမဲ့ ဒီရက်ထဲ မိုးနတ် စိတ်လေနေလို့..ပြီးတော့ ကွန်ပြူတာကို
 ကြာကြာကြည့်ရင်လဲ ခေါင်းကမူးမူးနေလို့...အိမ်တွေလဲ သိပ်မလည်နိုင် ပို့စ်သစ်တွေလဲ တင်ချင်စိတ်မရှိ
 ဖြစ်နေရပါတယ်...အားလုံးနားလည်ပေးကြပါနော်...မတွေ့ကြပေမဲ့ အားလုံးကိုသတိတရရှိနေကြောင်းပါရှင် )

Wednesday, October 10, 2012

* ရူးသွပ်ရင်ဖြစ်မယ် * ဆရာဝေမိုးနိုင်ရဲ့ (တဂ်ပို့စ်)

ဆရာ့ရဲ့ တဂ်ပို့စ်ခေါင်းစဉ်လေးကို  ဖတ်ပြီး  မိုးနတ်အဖြစ်နဲ့ တူနေပါရောလားလို့  ပထမဆုံးတွေးမိတယ်..
အဲဒိလိုတွေးလိုက်မိလို့လဲ ဆရာ့ရဲ့ တဂ်ပို့စ်လေးကို တခြားသူတွေလို ဗဟုသုတရစရာ  အတွေ့အကြုံ အသိအမြင်တွေနဲ့ 
တန်ဆာဆင်ပြီးရေးမဲ့အစား  မိုးနတ်ကိုယ်တိုင်ရဲ့ 
အဖြစ်အပျက်လေးနဲ့ပဲ  ချရေးပြမယ်လို့
စိတ်ကူးရမိတယ်.....( မိုးနတ်က အဲလောက်မှ 
ဝမ်းစာမပြည့်သေးတာ၊ အဲဒါကြောင့် ပါးနပ်စွာနဲ့
ကိုယ်ရေးနိုင်မဲ့  အကြောင်းအရာလောက်နဲ့ပဲ ဘလော့ဂါမောင်နှမတွေဆီ  ပေးဖို့ရည်ရွယ်တာပါ.....
တကယ်ကတော့  လူလည်ကျလိုက်တာပေါ့နော်.....:P)  ထားပါလေ.....အကြောင်းအရာ  ခေါင်းစဉ်လွဲသွားအုံးမယ်...
ပထမဆုံး  မိုးနတ်ကဗျာတွေ  ရေးဖြစ်လာပုံက စပြောမယ်နော်... ဆန်းတော့လဲ ဆန်းကြယ်သား..ဘာကြောင့်ဆို...ငယ်ငယ်ကတည်းက စိတ်ကူးယဉ်တတ်မှာစိုးလို့.... အဖေက အချစ်ဝတ္ထုတွေ ပေးမဖတ်ပဲ
အောင်မြင်ရေး.. စီးပွားရေး..ကြီးပွားရေးစာအုပ်တွေနဲ့ ကြီးပြင်းလာခဲ့တဲ့ မိုးနတ်က အချစ်နဲ့  ပတ်သက်တဲ့  ခံစားချက်ကဗျာတွေ 
ရေးတတ်လာတာ  ရေးဖြစ်လာတာကိုပါ......ဒါပေမဲ့လဲ အချစ်နဲ့ပတ်သက်လာရင် လူတိုင်း လူတိုင်းဟာ  တချိန်မဟုတ် တချိန်မှာတော့  လွမ်းဖူးကြတာပဲလေ...မိုးနတ်လဲ လူထဲက လူတစ်ယောက်ဆိုတော့  ရင်ခုန်သံမပါပေမဲ့လဲ 
အချစ်လို့မမည်ပေမဲ့လဲ သံယောဇဉ်ကြောင့် လူတစ်ယောက်ကို နက်နက်ရှိုင်းရှိုင်း  လွမ်းဖူးတယ်...
အဲဒါလဲ  သေချာတွေးကြည့်ရင်  ဆန်းတော့မဆန်းဘူးထင်တာပဲ..
အဲဒိနေ့က စတာပဲ....ခုလိုပဲ  မိုးသဲသဲမဲမဲ  ရွာနေတဲ့တစ်နေ့မှာပေါ့...
အဲဒိနေ့က လွမ်းလိုက်တာ  သူ့ကိုလေ...ပြောမပြတတ်အောင်ကို
လွမ်းတယ်.....ရွာနေတဲ့ မိုးတွေကိုကြည့်ပြီး စာရွက်ဖြူဖြူလေးပေါ်ချရေးလိုက်တာ  မထင်မှတ်ပဲ 
ကဗျာလေးတစ်ပုဒ်   ဖြစ်သွားတယ်....အဲဒိနေ့မှာပဲ ကဗျာတွေကိုလဲ စွဲလန်းသွားခဲ့တယ်.....စစချင်းတော့  မိုးနတ်ရဲ့ ကဗျာတွေက လူတစ်ဦးတစ်ယောက်အတွက်ပဲ  သီးသန့်လိုလို  ဖြစ်ခဲ့တယ်
နောက်ပိုင်းကျတော့ တဖြေးဖြေး  ရေးရင်းရေးရင်း
ကိုယ့် ၀ါသနာပါရာ  ဘူမိနက်သန်ဟာ  ကဗျာတွေ 
စာတွေပါလားဆိုတာ  အံ့သြစွာနဲ့  သိခဲ့ရတယ်.......
ဝမ်းသာလိုက်တဲ့  ဖြစ်ချင်း......ကိုယ့်ဘာသာကိုယ် ရှာဖွေတွေ့ရှိသွားလို့လေ......အဲဒါသိပ်အရေးကြီးတယ်..
ကိုယ့်ဘာသာကိုယ်  ဘာဖြစ်ချင်လဲ  မသေချာတဲ့သူဟာ ဘယ်အောင်မြင်မှုမျိုးကိုမှ ဆုပ်ကိုင်နိုင်မှာမဟုတ်လို့ပါ
မိုးနတ်ပြောတာတွေက သိပ်များကြီးကျယ်သွားပြီလား...
ဆက်ပြောပြမယ်နော်....အဲဒိကတည်းကမိုးနတ်  အောင်မြင်တဲ့ 
စာရေးဆရာမတစ်ယောက်ဖြစ်ချင်ခဲ့တယ်......ဒါပေမဲ့လဲ မမျှော်မှန်းရဲသေးတဲ့  အခြေအနေမို့  ဒီလိုပဲ တစ်ယောက်ထဲ 
ကျိတ်ပြီး ကဗျာတွေရေးရင်း ကိုယ့်ဝါသနာကို ဆက်လက်မွေးမြူခဲ့တယ်......တစ်ခုလောက်
ဖြတ်ပြောပါရစေနော်......မိုးနတ်အဲလောက်ထိ  နိဒါန်းချီနေရတာ လုံလောက်တဲ့  အကြောင်းအရင်းရှိပါတယ်....
ပြောခဲ့ဖူးသလိုပါပဲ......မိုးနတ်က  အိမ်ရဲ့စီးပွားရေးထဲမှာ စည်းကမ်းကြီးတဲ့ အဖေရဲ့  လမ်းကြောင်းပေးမှုကို ငယ်ငယ်ကတည်း  ခံခဲ့ရတော့  သူများတွေလို  ဆရာဝန်မှ  အင်ဂျင်နီယာမှ  ဘာမှ ညာမှရယ်လို့  အတွေးမရှိခဲ့ဘူး.....မိုးနတ်တို့မိဘတွေက အခုလောက်အခြေအနေရောက်အောင်တောင် 
အောက်ခြေကစခဲ့ရတာဆိုတော့ မိုးနတ်တို့ကိုလဲ
ပြည့်စုံစေချင်တယ်......တတ်နိုင်သရွေ့ပေါ့နော်..
(အဲလိုဆန္ဒမျိုးကတော့  မိဘတိုင်းမှာ ရှိတာပါ.....
အထူးပြောစရာမလိုပါဘူးလေ).......
အဲ.......ဒါပေမဲ့  ပြောချင်တာက  မိုးနတ်ကိုယ်တိုင်လဲ
ငါကြီးလာရင်  အောင်မြင်တဲ့ စီးပွားရေး  လုပ်ငန်းရှင်ဖြစ်ရမယ်လို့ပဲ ကိုယ့်ကိုယ်ကို တွေးခဲ့တာ.......တွေးခဲ့တဲ့ အတိုင်းလဲ ထိုက်သင့်သလောက်တော့ ဖြစ်နေပြီလို့ပြောလို့ရပါတယ်...
ဒါပေမဲ့ ကဗျာတွေ စာတွေကို  တစိုက်မတ်မတ်ရေးဖြစ်မယ်လို့တော့
ယောင်လို့မှတောင်မတွေးခဲ့ဖူးတာပါ.....အဲဒါက ပထမဆုံး
မိုးနတ်ရူးသွပ်ခဲ့တဲ့  အချက်နဲ့ပတ်သက်ပြီး  ဖြစ်ခဲ့တဲ့ အကြောင်းပေါ့........နောက်တစ်ချက်က ဘလော့နဲ့ပတ်သက်ပြီးတော့ပါ......ကဗျာတွေ  အတော်
များများလဲရေးဖြစ်လာပြီ......ပြီးတော့  ကိုယ့်ကဗျာလေးတွေကိုလဲ
အမှတ်တရအနေနဲ့စုစည်းထားချင်ပြီ......သယ်ရင်းတွေကိုလဲ ချပြချင်လာပြီဆိုတဲ့ အခါမှာ  မိုးနတ်က  FB ထက် ဘလော့ကို အရင်ဦးဆုံးစိတ်ဝင်စားမိပါတယ်.....ဘာကြောင့်ဆို မိုးနတ်အဖေ၀ယ်လာပေးတဲ့  အဆင့်မြင့်အင်တာနက် 
အသုံးပြုနည်းဆိုတဲ့  စာအုပ်လေးထဲမှာ  ဘလော့တစ်ခုကို အခမဲ့ဖန်တီးနိုင်တယ်  ဆိုတာသိရတော့ 
ကိုယ်ပိုင်ဘလော့လေးဖွင့်ချင်မိတယ်......သူက သီးသန့်ဖြစ်တယ်လေ...အဲဒါကြောင့်  အခွင့်အရေးရတဲ့ တနေ့မှာ 
မိုးနတ်ကြိုးစားပြီး ဘလော့လေးကို လုပ်ဖြစ်ခဲ့ပါတယ်....
အဲဒိရက်မှာမှ  လိုင်းတွေကလဲ မကောင်းဘူးရှင်...ဒါပေမဲ့ မိုးနတ်ကံကောင်းပါတယ်.....ဖွင့်ဖွင့်ချင်း  မိုးနတ်ဘလော့လေးကို
ပိုင်ဆိုင်ခွင့်ရခဲ့တယ်...ပြီးတော့ စီနီယာ ဘလော့ဂါမောင်နှမတွေနဲ့လဲ ခင်မင်ခွင့်ရခဲ့တယ်......သူတို့တွေရဲ့  ဖေးမမှုတွေနဲ့ 
မိုးနတ်အိမ်လေးက  ခုလို  ရှင်သန်နေနိုင်တာပါ.....
ဆရာဝေမိုးနိုင်ကတော့ထင်မယ်......
ဘလော့မှာ စာရေးတာ ကဗျာရေးတာများ  အဆန်းလုပ်လို့ပေါ့.....
အဲဒါက  အခွင့်အရေးရတဲ့ လူတစ်ချို့အတွက်ပေါ့.....
စာရေးဆရာဆိုတဲ့  ကိုယ်ပိုင်နံမည်တစ်ခုနဲ့  ရပ်တည်နေကြတဲ့
လူနဲစုအတွက်ပေါ့.....မိုးနတ်တို့လို  စာပေနဲ့နီးစပ်ပေမဲ့
စာပေနဲ့  အသက်မွေးဝမ်းကျောင်းအဖြစ်ရပ်တည်ဖို့  မနီးစပ်သူတွေ
အခွင့်အရေးမရကြသူတွေအဖို့မှာတော့....ဒါဟာအိပ်မက်ပါ......
မိုးနတ်အတွက်တော့  အိပ်မက်ပါ.......ထပ်ပြီးတော့လဲ 
မိုးနတ်ဖြစ်ချင်မိတဲ့  ရူးသွပ်တဲ့ အိပ်မက်လေးကို ပြောပြပါရစေရှင်...
မိုးနတ်ရဲ့ အိပ်မက်လေးက  မြန်မာပြည်အနှံ့  ကမ္ဘာအနှံ့ကို အလည်သွားရင်း  အဲဒိကရတဲ့  အတွေ့အကြုံတွေနဲ့ 
စာတွေ ကဗျာတွေ ဖန်တီး  ထုဆစ်ချင်မိတာပါ.....
အဲဒိအိပ်မက်လေး လက်တွေ့ဖြစ်လာဖို့ မိုးနတ်က ရူးသွပ်နေတယ်ရှင့်.......ဖြစ်လာရင်တော့  မိုးနတ်ရဲ့  ရူးသွပ်မှုက
ဖြစ်တည်လာတဲ့   တတိယမြောက်  အောင်မြင်မှုလေးပေါ့ရှင်.
တကယ်ဖြစ်လာမလာကတော့  စောင့်ကြည့်ရအုံးမှာပါ...
ကျန်တဲ့ဘလော့ဂါမောင်နှမတွေလဲ ကိုယ်စီ  ကိုယ်စီ ကိုယ့်ရဲ့ 
ရူးသွပ်မှုလေးတွေ အကောင်အထည်ဖော် ဖြစ်တည်
လာနိုင်ကြပါစေလို့ ဆုတောင်းပေးရင်း......
ဆရာဝေမိုးနိုင်(မုံရွာ) ရေ.......
မိုးနတ်ရဲ့ပို့စ်လေးကို  ဒီလောက်နဲ့ပဲ ကျေနပ်ပေးပါလို့.......
အားလုံးကိုလဲ  တောင်းပန်ပါရစေ......မိုးနတ်က တဂ်ပို့စ် တစ်ခါမှမရေးဘူးလို့  အမှားပါသွားရင်  ခွင့်လွှတ်ကြပါနော်....
မိုးနတ်ကို  အလေးထားပြီး  တဂ်ပေးတဲ့ ဆရာ့ကိုလဲ  ကျေးဇူးတင်ပါတယ်...
အားလုံးရဲ့ မိုးနတ်ကြယ်စင်

Wednesday, October 3, 2012

မောင်နဲ့ အတူတူ

မြင်မြင်သမျှ   အရာအားလုံးဟာ   အဆန်းအပြားတွေချည်းပါပဲ  ။
ဒါပေမဲ့   တခမ်းတနားနိုင်လွန်းတဲ့    အဲဒိအရာတွေက   ကျွန်မရဲ့ စိတ်အာရုံကို   မဖမ်းစားနိုင်ခဲ့ပါဘူး  ။ ဘယ်အရာကိုမှ  တွယ်တာ  မက်မောလို့လဲ  မဟုတ်ခဲ့ပါဘူး...၊ တခြားမိန်းမတွေလို  မောင့်ရဲ့ ပိုင်ဆိုင်မှု ၊  ဂုဏ်ဒြပ်တွေအပေါ်မှာ  သာယာတာမျိုးလဲ  တစ်ခါဆို  တစ်ခါမှ  မဖြစ်ခဲ့ဖူးပါဘူး...။  မောင်ရယ်....ကျွန်မရဲ့ စိတ်ကို  တကယ်ပဲ  မသိလေရော့သလားကွယ်. ..မောင့်ကို ချစ်တယ်...
မောင်နဲ့ပဲ  အတူတူနေချင်တယ်...သက္ကရာဇ်တွေ  ကုန်ဆုံးသွားလို့
နောက်ထပ်ကမ္ဘာတစ်ခုရဲ့ သက္ကရာဇ်တွေ   ပြန်စတဲ့အထိ
ကျွန်မတို့တွေ  အတူတူ  နှစ်ယောက်တစ်ဘ၀ကို  အာဒံနဲ့ ဧ၀လို  ရင်ဆိုင်ဖြတ်သန်းကြမယ်လေ...မောင့်ရဲ့  အနမ်းတွေနဲ့  မျက်နှာသစ်ပြီး  နိုးထချင်တယ်.၊..ညအိပ်ယာဝင်  မှေးစက်တဲ့
အချိန်တိုင်းမှာလဲ  မောင့်ရင်ခွင်ထဲမှာ  နွေးနွေးထွေးထွေးနဲ့   အိပ်စက်ချင်တယ်..၊တရေးနိုးလို့  ထကြည့်မိတိုင်း   မောင့်ရင်ခုန်သံဟာ  ကျွန်မနဲ့   အနီးဆုံးဖြစ်လို့နေမယ်..၊. သန်းခေါင်ယံထက်နက်တဲ့ညမှာ  
မောင့်မျက်နှာကို..  ကဗျာတစ်ပုဒ်လို.. ဖတ်ကြည့်ရင်း  တိတ်တခိုးများ  နမ်းလိုက်မိရင်  ကောင်းကင်ပေါ်က လမင်းကြီးနဲ့   ကြယ်လေးတွေ
တောင်   ရှက်လို့နေမလားပဲ...၊..မောင်ရယ်..ဘာလို့များ  အချိန်တွေ ဆွဲနေတော့မှာလဲကွယ်...ရာဇ၀င်တွင်မဲ့   ကျွန်မတို့   အချစ်တွေ   ဂန္တ၀င်မြောက်ဖို့...မောင်မက်မောတဲ့  ကျွန်မ  မနှစ်သက်တဲ့  ဂုဏ်ပကာသနတွေကို  ချန်ရစ်လို့   ရင်ခုန်စရာကောင်းတဲ့
အပြာရောင်နေ့ရက်တွေဆီကို  အခုပဲ သွားကြပါစို့..........

(ကဗျာ  အသစ်တွေတင်ဖို့  ရှိပေမဲ့  မနေ့ညက တွေးလိုက်မိတာလေးကို
ချရေးလိုက်မိတာ  စာလေးတစ်ပုဒ်ဖြစ်သွားတယ်..ကဗျာမဟုတ်ပေမဲ့  အားပေးကြပါအုံးနော်....:P..)

Tuesday, September 25, 2012

ကျိန်စာသင့် နှလုံးသား

ပြက္ခဒိန်တွေသာ တစ်ရွက်ပြီးတစ်ရွက် ပြောင်းသွားတယ်
အလွမ်းတွေဟာ  ခြေရာချင်းထပ်နေလို့..
အသက်. ..ရှင်သန်နေခြင်းဟာ 
အဓိပ္ပါယ်ရှိရဲ့လားတောင် ငါမသိတော့ဘူးကွယ်
ရှေ့ဆက်ဖို့က  မျှော်လင့်ချက်က  ပါးပါးလျလျ
နောက်ဆုတ်ဖို့ကျတော့လဲ ငါ့နှလုံးသားက ခွင့်မပြုခဲ့ပြန်ဘူး
ဘာပဲဖြစ်ဖြစ်  အချစ်ကို  ကိုးကွယ်မိနေမှတော့ 
မင်းအပေါ်ထားတဲ့  ငါ့ရဲ့  အစွဲအလမ်းတွေကို 
နောက်ဆုံးထွက်သက် အထိသာ သယ်ဆောင်သွားပါရစေတော့..
ညစဉ်ညတိုင်းလိုလို......
မျှော်လင့်ချက်တွေကို
နံရံ....ကြမ်းပြင်..နဲ့ မျက်နှာကြက်မှာ ချိတ်ဆွဲ
အတွေးတွေနဲ့  ၀န်းရံ ကခုန်ပျော်မြူးတယ်
အချစ်ဆိုတဲ့  အရာဟာ  တခါတရံမှာ
အိပ်မက်အဖြစ်သာ  ငါ့ဆီကို 
အလည် ရောက်ရောက် လာတတ်တယ်
အချိုးအကွေ့တွေနဲ့  နေသားကျလို့
ဒါဟာ “ဘ၀”  ပါလို့ 
အမည်နာမ  မပေးလိုက်ပါရစေနဲ့
အမှောင်ရောက်လို့ အလင်းပျောက်မှာကို 
စိုးရွံ့မိနေလို့.....
ထုံးစံအတိုင်း...
ညကလဲ  နက်ဆဲ
ဘ၀ကလဲ  ခက်ဆဲ
ဒါပေမဲ့လဲ .......
အကြင်နာ “မ” ဘုရား
အလှတစ်ပါး ကိုတော့ဖြင့် ...
ရင်ခုန်စွာနဲ့ မျှော်လင့်မိချင်သေးတယ်..

Tuesday, September 18, 2012

အထီးကျန်မြစ်ရဲ့ နေ၀င်ချိန်

အက်ဆစ်မိုးတွေ  ပြိုပျက်
ငိုရခက်နေတဲ့  နွေလယ်ည
ဘယ်သူ့ကိုမှ ပြောပြခွင့်
မရှိနိုင်ခဲ့တဲ့  ဘ၀ပါ
အတ္တချိုချို  ဘ၀ခါးခါး
သူများတကာ လက်ညှိုးထိုးဖို့အတွက်များ
ငါ့ဘ၀ လူဖြစ်လာရလေသလား......?
အထီးကျန်ခြင်း  ကန္တာရထဲ
ငါ့ရင်ဘတ်လဲ  ရဲရဲနီ
မကြာမကြာ ငါကြေကွဲတတ်နေပြီ
သည်းခံစိတ်ကို လည်မှာဆွဲ( ဖြစ်နိုင်ရင်) 
အရာအားလုံးကို  တစ်က
ပြန်စလိုက်ချင်ပေမဲ့လည်း
မျှော်လင့်ချက်တွေ  အရောင်မှိန်
ငါ့ဘ၀  နေ၀င်ချိန်ကိုကပဲ
စောလွန်းခဲ့လေသလား......?

Monday, September 10, 2012

ကလေးလေး

ခွဲခွာခြင်းမှတ်တိုင်......
မိုင်တိုင်များစွာလဲ......
ဟိုးအဝေးမှာ  ကျန်ခဲ့ပြီ.....။
 တဖြေးဖြေးနဲ့........
အရာအားလုံးဟာ....ဝေး...ဝေး
နွေးထွေးတဲ့  မင်းအပြုံးလေးတွေ
တမ်းတမိတယ်  ကလေးလေးရေ....
လွမ်းရတဲ့  အကြောင်းတွေစာဖွဲ့
စိတ်နဲ့  ခန္ဓာတွေ  ဝေးနေကြတဲ့
အခိုက်အတန့်ထဲ......
ရင်ခုန်သံတွေလဲ  စည်းချက်မညီ (ခုဆိုငါလေ)
 အချိန်နာရီတွေကိုလဲ  မုန်းတတ်နေပြီ.....
ကလေးနဲ့  ဝေးနေရတဲ့  စိမ်းနေရတဲ့
အကြောင်းအရာတွေ  အားလုံးရော.....
လူတွေ  ပညတ်  သတ်မှတ်ထားတဲ့
စည်းကမ်းချက်တွေ  အားလုံးရော.....
အားလုံး.... အားလုံးကို   မုန်းတယ်.......
ငါ့ရင်ဘတ်ထဲကို ၀င်ကြည့်လှည့်ပါကွယ်....
ကလေးလေးအပြင် ဘယ်သူမှမရှိပါဘူး.....
နှလုံးသွေးတွေလဲ ဆူဝေလာတယ် တဖြေးဖြေး....
နွေးထွေးတဲ့  ငါ့နှလုံးအိမ်လေးထဲမှာ
 အပူပင်ကင်းမဲ့စွာနဲ့ အိပ်စက်နေတဲ့ ကလေးလေး......

Tuesday, September 4, 2012

ချစ်သူတားထားတဲ့ စည်း

မကြင်နာသူဆီကမှ....
အကြင်နာကို လိုချင်ခဲ့မိတာ
ငါ့အမှားလား....?
တကယ်ဆို များများစားစားလဲ
မမျှော်လင့်ခဲ့ပါဘူး....ငါလေ....
ချစ်လွန်းလို့ မင်းရဲ့ဘေးနားမှာ 
အရာရာကို ဖြည့်ဆည်းပေးချင်မိခဲ့တာပါ
ဒါဟာ..ထပ်ပြီးတော့များ မှားသွားသလား..?
မကြင်နာသလို  အရာရာကို
ငါနဲ့ပတ်သက်ရင် အပြစ်မြင်နေတတ်သူရဲ့
မျက်ဝန်းထဲမှာ  ငါဟာ...
ပြဿဒါးတစ်ကောင်ပဲ ဖြစ်နေတော့မှာပါ
တခါတခါတော့လဲ လောကကြီးက
ရယ်စရာတော့ အကောင်းသား....
ချစ်ခြင်း  နဲ့  မုန်းခြင်း..ကြား.....
ဘယ်လောက်များ ခြားနားနေကြလို့ပါလိမ့်..
စက္ခုအာရုံကို  ကျော်ရစ်..
ခြားနားခြင်း  အားလုံးကို 
အရည်ဖျော်ပစ်လိုက်တော့....
မင်း နဲ့ ငါ့ ကြား အလွှာပါးပါးလေး
တစ်ချပ်သာ ကျန်ရစ်တယ်...
ဒီညတော့ မင်းဆီ
ငါ့ကို လာခွင့်ပြုပါကွယ်...

Friday, August 31, 2012

မျက်ဝန်းကဗျာ

ဒီ..သမင်ပျိုလို မျက်ဝန်းလေးတစ်စုံကပဲ
မျှော်လင့်ခြင်း ဆိုတဲ့အရာကို
ငါ့ထံ ဆောင်ကြဉ်းပေးခဲ့တယ်.....။
ဒီ...ပြာလွင်တဲ့ အလင်းတန်းလဲ့လဲ့ကပဲ
ကြင်နာခြင်း ဆိုတဲ့အရာကို
ငါ့ရင်မှာ ဖန်ဆင်းပေးခဲ့တယ်.......။
ဒီ...ဟန်ဆောင်မှုကင်းတဲ့
ဖြူစင်ခြင်း အငွေ့အသက်မှာ
နေ့ရက်များစွာဟာ စိုပြေစိမ်းလန်းလို့လှခဲ့တယ်.....။
ဒီ..မျှော်လင့်မထားတဲ့ တင်္ဒဂအကြည့်တစ်ချက်မှာ
နှလုံးသားတစ်ခုလုံး အရည်ပျော်ကျဆုံး
တစ်ဘ၀လုံးအတွက် ငါ...
အရှုံးပေးထားလိုက်တော့မယ်.....။
ချစ်ရတဲ့သူရဲ့ မျက်ဝန်းလေးထဲမှာပေါ့ကွယ်.......။

Sunday, August 26, 2012

နွေနှင့်တူသော မိန်းကလေး..

နေရစ်တော့နွေ....
ရွက်ဝါတွေကြွေအောင်  ခြွေချခဲ့ပြီးမှ
နောင်တရစရာများ  လိုသေးလို့လား.....
ရွက်ဝါလေးတွေခမျာ တောင်းပန်ရှာတယ်..။
နွေရယ်.. ငါတို့မကြွေပါရစေနဲ့အုံးတဲ့...။
ရိုးရိုးလေးပါပဲ......
ဆင်ခြေပေးလာတဲ့ နွေရဲ့စကား......
ဒါ  သဘာဝတရားတဲ့လား....
ဒီလိုပဲ...နွေနှင့်တူသော မိန်းကလေး..
တွေးမထားမိပါပဲ အပြေးကလေးဆိုသလို
ငါ့အနားကို  သူရောက်ခဲ့တယ်....။
ခဏတာ ရင်ထဲ နွေးသွားခဲ့တဲ့အတွက်
ကျေးဇူးပါပဲကွယ်.....။
ပြန်မပြောပါရစေနဲ့......
နွေထက်ပူတဲ့  ဒီလူ့ရင်ထဲ
အပြစ်မဲ့ခြင်းတရားတွေ ....
မျက်ရည်ဝဲနေလိမ့်မယ်  ချစ်သူ......
ရင်တွေခုန်လာအောင် ဘာလို့များလုပ်ခဲ့တာလဲကွယ်..။
ဒါကိုပဲ.. နွေးထွေးလှချည်ရဲ့လို့ ဥဒါန်းကျုးရင့်....
တကယ်က မီးတောက်တစ်ခုကို ရင်ဘတ်ထဲထည့်ပြီး
ကျေကျေနပ်နပ်ကြီး မွှေးနေမိတဲ့  ငါ့အဖြစ်....
ချစ်တတ်လာအောင် သင်ပေးပြီးမှ
အပြစ်မဲ့တဲ့  ငါ့နှလုံးသား.....
လမ်းခုလတ်မှာ  ကို့ယို့ကားယား
မင်းထားသွားတော့မလို့လား....
ရိုးရိုးလေးပါပဲ......
ဆင်ခြေပေးလာတဲ့ မင်းစကား......
(လှည့်စားလို့  အားရပြီးမှ)
ငါ့ကို  ငြီးငွေ့သွားပြီတဲ့လား.........

Thursday, August 23, 2012

ငါမမြင်သေးတဲ့ ချစ်သံစဉ်

အရင်ဦးဆုံး သတိထားမိတာက
တည်ငြိမ်လွန်းတဲ့ မင်းမျက်နှာ....
နောက်တော့မှ တစတစ...
ပိုရင်ခုန်သွားမိတာက ....
မာနကြီးပြီး အေးစက်နေတဲ့
မင်းမျက်ဝန်းလေး.....
တဖြေးဖြေးနဲ့ ......
အတွေးနက်နေဟန်ရှိတဲ့  
မင်းပုံစံလေးကို တကယ်ဆို
သဘောအကျဆုံး.....
ပြုံးလိုက်တဲ့  အခိုက်အတန့်ကတော့
ဒီကမ္ဘာပေါ်မှာ အတောက်ပဆုံးပေါ့.......
ကဗျာလဲ မဖွဲ့..စာလဲ မနွဲ့.....
အကြည့်လေး တစ်ချက်နဲ့တင်
ငါ့နှလုံးသားကို နူးညံ့စေခဲ့သူ....
မင်းကတော့ လစ်လျုရှု့တတ်တဲ့ 
နှလုံးသား တစ်စုံနဲ့
တကယ့်ကို နေနိုင်သူကြီး....
မာနတွေ မိုးထိကြီးနိုင်ခဲ့တာ 
ဘာကြောင့်များပါလိမ့်..
အခွင့်အရေးရရင်.....
အိပ်မောကျနေတဲ့ မင်းနှလုံးသား
ပါးပါးလေးပဲ ဖြစ်ဖြစ်
နားလည်နိုင်ခွင့်တော့ ရခဲ့ချင်မိတယ်
ငါငိုတိုင်း မချော့တတ်ခဲ့တဲ့
သူတစ်ယောက်ဟာ....
ရယ်စရာတွေကိုလဲ ပြောတတ်လိမ့်မယ်လို့
ငါလေ ဖြေသိမ့်ပြီးတော့ပဲဖြစ်ဖြစ်
မျှော်လင့်နေပါရစေ.....
ညနက်တွေမှာ ကြယ်တွေကိုရေတွက်မိတိုင်း 
ကောင်းကင်ယံမှာ မင်းအပြုံးတွေကိုသာ
မြင်ယောင်နေမိတော့တယ်....
အိပ်မက်ဆိုတဲ့ အရာကို 
ငါ့အနားမှာ ခေါ်ထားမိတိုင်း
စိုးမိုးနေတာက မင်းပုံရိပ်တွေပါပဲ....
“အချစ်ဆိုတာ သယ်ဆောင်သွားလို့ရသလို
ချန်ထားခဲ့လို့လဲ ရတဲ့အရာတစ်ခုပဲ” တဲ့.....
မောင်လှမျိုး (ချင်းချောင်းခြံ) ကပြောဖူးတယ်...
အိပ်မက်တွေနဲ့ တစ်ရေးနိုးတိုင်းမှာ
ရင်ခုန်စေခဲ့တဲ့သူရေ....
မင်းရင်ဘတ်ထဲက 
“အချစ်”  ဆိုတဲ့ အရာဟာ
ဘယ်လိုများပါလိမ့်..

Saturday, August 18, 2012

ကာရန်မညီတဲ့ ကြယ်ကြွေသံ

မေ.......
ဧရာဝတီဟာ.. ဗေဒါရီရဲ့...
မြစ်တစ်စင်းဆို.....နင်ဟာ
နွေကမ္ဘာလို ငါ့ဘ၀ရဲ့ ....
ချစ်ခြင်းပါ ....ပျို..........
ရင်ခုန်သံတွေ ကာရန်မညီနိုင်လိ်ု့
ငါကိုယ်တိုင် ဖမ်းဆုပ်လို့ 
မရခဲ့တဲ့ နောက်မှာတော့ အပြုံးတွေနဲ့
နင်လာ သိမ်းပိုက်သွားခဲ့တာ....
နင်ဟာ အောင်နိုင်သူကြီးပမာပေါ့.....။
တကယ်တော့........
အချစ်ဆိုတာ ပူလောင်တယ်....။
ဒါပေမဲ့ လူတွေက ပိုင်ဆိုင်ချင်ကြတယ်...။
ဒါဟာ တိမ်တွေကို အတောင်ပံ
တပ်ပေးလိုက်သလိုပါပဲကွယ်...။
တခါ...တခါ အမုန်းမိုးအဖြစ်နဲ့
ရွာသွန်းတတ်တယ်.......
“ပိုးဖလံမျိုး မီးကိုတိုး”  ဆိုသလို
“အချစ်မှာ မျက်စိမရှိ”  ဆိုတဲ့စကားလဲ
ရာဇ၀င်ထဲမှာ  အလကား
ထားခဲ့တာမှ  မဟုတ်ပဲ.......
မိုက်တွင်းနက်နေတဲ့ ငါ့နှလုံးသားဟာလေ
နဲနဲလောက်တော့  အသိတရား
ရှိခဲ့ရင် ကောင်းမယ်.....။
 ဒါပေမဲ့ ..မေ..နင်သိလေမလား....
သိစိတ်ကိုပဲ ထိန်းချုပ်လို့ရနိုင်တယ်....။
မသိစိတ် ဆိုတာက  ဦးနှောက်နဲ့
ဆင်ခြင်ပြီး  ထိန်းချုပ်လို့ရတဲ့
အရာမျိုး မဟုတ်လေတော့.....
ငါ့ဘ၀ရဲ့ အရှင်သခင်လို ....
ငါချစ်ရတဲ့ သမင်ပျိုမလေးရေ......
အဆုံးသတ်တဲ့ တနေ့မှာလေ.....
အရှုံးတွေနဲ့ငါ . နင့်ရှေ့မှာ
ငိုမနေပါရစေနဲ့လားကွယ်.......

Thursday, August 9, 2012

မသိခြင်း = အချစ်

မမျှော်လင့်ပဲ  မင်းရောက်လာတယ်.......
ရုတ်တရက်မို့ ငါမတားဆီးလိုက်နိုင်ခဲ့ဘူးကွယ်......
ဝုန်းဒိုင်းကျဲပြီး  ၀င်မွှေသွားတယ်.......
ငါ့ရင်ဘတ်တစ်ခုလုံးလဲ ဖရိုဖရဲ......
အပြိုပြို  အလဲလဲနဲ့........
ထိန်းချုပ်လို့ မရလိုက်နိုင်ခဲ့ဘူးကွယ်......
ဘယ်လို...ဘယ်လို  ခံစားမှုမျိုးလဲ......?
ခြေဖျားလက်ဖျားတွေ အေးစက်လို့....
ငါ့နှလုံးခုန်သံကိုတောင် ငါပြန်ကြားနေရပါတယ်....
ဆန်းတော့ အဆန်းကြယ်သားကွယ်.....
ငါကိုယ်တိုင်လဲ.......
ဘာမှန်းမသိ  ညာမှန်းမသိ......
အမျိုးအမည် မတပ်လိုက်နိုင်တဲ့ .....
ဝေဒနာတစ်ရပ်မှာ .....
နူးညံ့စွာ ပျော်ဝင်တတ်ခဲ့ပြီ.....
ဆန်းကြယ်သော ထိုအရာသည်...
“အချစ်” ဟုခေါ်တွင်သတဲ့ကွယ်........

Sunday, August 5, 2012

မျောလွင့်...

သစ်ရွက်တွေ ကြွေ ......
လေတွေက တိုက်........
မှောင်မိုက်နေတဲ့ 
ညတစ်ညနဲ့  ငါဟာ.......
စိတ္တဇ ပန်းချီတစ်ချပ်လား.....?
ငါရပ်နေတဲ့ မြေပြင်ကို ငုံ့ကြည့်မိတော့.....
သူဟာလေ  အဖြူသက်သက်........
ရှေ့ဆက်ပြီး  နင်းလျှောက်ဖို့ 
ခက်လောက်အောင်ကို အားအင်တွေလဲ
ကုန်ခန်းလွန်းလှပါဘိကွယ်.......။
ငိုကြွေးခြင်း  အဘိဓာန်ထဲ.....
မျက်ရည်တွေ  မြစ်လိုစီး.......
ဘာကိုယုံပြီး ဆူးပုံနင်းရအုံးမှာလဲ..။
ကံတရားကလွဲပြီး ကျန်တာတွေကို
ခေါင်းစဉ်တပ်နိုင်တယ်.......။
အရာရာဟာ........
မနေ့ကလိုပဲ နေသားတကျ........
ထုသားပေသားကျနေတဲ့
ငါ့ဘ၀.... ခေါက်ရိုးကျိုးလို့
အပြစ်မြင်မယ်ဆိုလဲ မီးပူတိုက်ပြီး
ငါမဖြန့်ချင်တော့ဘူးကွယ်.......။
စိတ်ရှိတိုင်းသာ အတွေးနယ်နှင်ခွင့်
ရခဲ့မယ်ဆို..... ငါ့ဘ၀လဲ 
လှနေတာ ကြာပေါ့.......။
အခုတော့...........
သောကတွေနဲ့ စိတ္တဇညရဲ့အလွမ်း....
တောင်တန်းတွေပဲ သိတဲ့
ငါ့ဘ၀ရဲ့ မှတ်တမ်း............။

Wednesday, August 1, 2012

လမင်းလေးသို့.....

ကြယ်တွေအစုံအညီ  ခုန်ကာက.......

အာကာတစ်ခွင် ပျော်မြူးနေတဲ့.....

ညတစ်ညမှာ.........

အကြင်နာ လမင်း........

သူ့အဆင်းကလဲ  ၀င်းဝင်းဝါ......

ထင်းထင်းသာနေတဲ့  ဒီည.......

အိပ်မပစ်ရက်အောင် 

 လှနိုင်လွန်းပါလား.........

သြော်....ညရဲ့အလှ.....

လက သာသာ......

ဘ၀က  နုံချာချာ.......

မှုန်ပြာတဲ့  မျှော်လင့်ချက်က 

မှေးမှေးမှိန်.........

တွေးဆွေးငြိမ်နေတဲ့ ငါ့နှလုံးသား....

သူမှတစ်ပါးလဲ အခြားမရှိခဲ့ပါလား......

သူများသိလေမလားလို့ ....

ရင်ခုန်စွာနဲ့ မျှော်လင့်မိတယ်.....

အမှောင်ထုက  နိုးလာမှ........

ဒါဟာ အိပ်မက်မှန်းသိရပါပြီကွယ်.....

လမင်းလေးရယ်........

ဒီလိုနဲ့ပဲ..အထီးကျန်ညပေါင်းများစွာကို

ရင်ဆိုင်ဖြတ်သန်းရင်း........

အကျည်းတန်နေတဲ့ ငါ့ရင်ဘတ်က 

ကာရန်တွေလွဲ  အလှမွဲတာ........

ငါ့ကိုယ်ငါပဲ  သိခဲ့ပါတယ်......

 

 

 


Friday, July 27, 2012

အချစ်ဆိုတာ.....


တခါတခါ.....အချစ်ဆိုတာ....
ဘယ်လိုတွက်တွက် အဖြေမထွက်နိုင်တဲ့
ပုစ္ဆာတစ်ပုဒ်လို ခက်ခဲနက်နဲရှုပ်ထွေးတယ်....။
တခါတခါ......အချစ်ဆိုတာ......
နူးညံတဲ့ ကလေးငယ်တစ်ယောက်ရဲ့
ရယ်သံလေးလို ချိုမြလို့ အပြစ်ကင်းစင်နေခဲ့တယ်..။
တခါတခါ ....အချစ်ဆိုတာ.....
အပြောကောင်းသူတစ်ယောက်ရဲ့ ပုံပြင်တစ်ပုဒ်လို
တသသနဲ့  စွဲလန်းစေတတ်သေးတယ်.....။
တခါတခါ.....အချစ်ဆိုတာ......
မရည်ရွယ်ပဲ ရေးလိုက်မိတဲ့ ကဗျာတစ်ပုဒ်ပါပဲ....။
တခါတခါ.....အချစ်ဆိုတာ......
မိန်းမလှလေးတိုက်တဲ့ ၀ိုင်တစ်ခွက်လို
ဆွဲဆောင်မှုအပြည့်နဲ့ ယစ်မူးစေတတ်သေးတယ်..။
တခါတခါ......အချစ်ဆိုတာ........
စိတ္တဇညရဲ့ ကာရံမဲ့တဲ့
ကြယ်ကြွေသံလို................
တခါတခါ.....အချစ်ဆိုတာ........
ဒီလိုနဲ့ .....အခါပေါင်းများစွာမှာပဲ.........
ငါကိုယ်တိုင်လဲ အချစ်နဲ့ဝေးကွာနေခဲ့တယ်.....။
ဘယ်အခါကျမှ နီးရမယ်.  ငါမသိနိုင်ဘူး.......။
တကယ်ဆို ဇာတ်သိမ်းဟာ မင်းလက်ထဲမှာမို့.......
ငါကံကောင်းဖို့ တိုးတိုးလေး ဆုတောင်းနေရုံကလွဲလို့..........

Wednesday, July 25, 2012

ချစ်သူသိစေ

ကြယ်စင်တွေ  ဖြန့်ကျဲ.........

အဆုံးအစမရှိတဲ့  ကောင်းကင်ရင်ဘတ်ထဲ.....

အပြာရောင်ဂြိုလ်တစ်ခု.........

တည်ဆောက်နေခဲ့တယ်........။

မင်းတစ်ယောက်  ခိုလှုံဖို့ပေါ့ကွယ်......။

အကြင်နာတွေ  စိုက်ပျိုး.......

ထာဝစဉ် မညှိုးလေမဲ့  အချစ်ပန်း......

ငါ့နှလုံးသား ဥယျာဉ်မှာ ပွင့်လန်းလို့နေပြီ...

မင်းတစ်ယောက်  ပန်ဆင်စေတော့ကွယ်....။

ရင်ခုန်သံတွေ  မြေမှာချနင်း.........

ငါ့နှလုံးသားကို  ကြည်ဖြူစွာ

လမ်းခင်းပေးလိုက်ချင်တယ်...........

(အပူအပင် ကင်းမဲ့စွာနဲ့) .........

မင်းတစ်ယောက် နင်းလျှောက်စေတော့ကွယ်...။

တခါတခါတော့လဲ.........

ကမ္ဘာကို တိုင်တည်ပြီး..............

စကြာဝဠာကြီးတစ်ခုလုံး မြည်ဟီးသွားတဲ့အထိ

မင်းသိအောင် အော်ပြောလိုက်ချင်တယ်......

ငါ့အသဲ ငါ့အသက်နဲ့ ထပ်တူ

မင်းကို ချစ်တယ်.........။


Monday, July 23, 2012

ရက်စက်သူ

မင်းအကြောင်းကို တွေးတော....
ငေးမောလို့ စာရွက်ပေါ်ချရေးမိတဲ့အခါ...
ဒါဟာ ကဗျာတစ်ပုဒ်ဖြစ်ဖြစ်သွားတယ်...။
အိပ်မက်မှာ လွင့်မျော.........
စိတ်တို့ကို အတွေးနယ်ချဲ့မိပြန်တော့.....
ညစဉ် ငါ့မှာ ရင်မောနေရတာ....
ဒါကို ဘယ်သူကရော သိနိုင်မှာလဲကွယ်...။
မလိုချင်ပါဘူး..........
အဆိပ်တက်နေတဲ့ နေ့တွေ........
ရင်မဆိုင်ချင်ဘူး.........
အိပ်ပျက်နေတဲ့ညတွေ............
တိတ်တဆိတ်  ငါ့ရင်ခွင်ထဲ
မင်းရောက်လာမဲ့နေ့.........
ရင်ခုန်စွာ မျှော်လင့်မိနေလဲ.........
စိမ်းရက်စက်နိုင်လွန်းတဲ့  မင်းနှလုံးသား...
တခါကလို အေးစက်စက်နိုင်တုန်းပါပဲကွယ်..။

Friday, July 20, 2012

အသဲကွဲဇာတ်လမ်း

အစကတည်းက.........

အနှောင်းမသေချာခဲ့တဲ့   ဒီဇာတ်လမ်း...

ငိုရမယ်မှန်းသိခဲ့ရင်  ငါမစခဲ့ပါဘူး.....။.

အစကတည်းက..........

ဝိုးတ၀ါးနဲ့  မပီပြင်ခဲ့တဲ့  ဒီအိပ်မက်.....

မဆုံးသေးခင် လန့်နိုးရမယ်မှန်းသိခဲ့ရင်....

ငါမမက်ခဲ့ပါဘူး.........။.

အစကတည်းက........

ခံစားလွယ်တဲ့   ဒီရင်ဘတ်......

နာတတ်မယ်မှန်းသိခဲ့ရင်.........

ငါကိုယ်တိုင်  ရင်ကိုခွဲ.......

ခံစားတတ်တဲ့   အသဲနှလုံးကို.....

ထုတ်ထားခဲ့လိုက်တယ်.........။

အခုတော့ကွယ်.......

ဓါတ်ပြားဟောင်းကြီးပဲ ပြန်ဖွင့်ရမလား...။

နှလုံးလမ်းကြောင်းမှာ......

ကျွန်းခံနေတယ်ပဲ  ထင်ပါရဲ့.......။

ဘာပဲပြောပြော.....တကယ်ပါ......

ငါ့ရဲ့အဖြစ်ဟာ....ရှိတ်စပီးယားရဲ့

ပြဇာတ်ထဲကလို ဇာတ်သိမ်းမလှခဲ့တာတော့

သေချာပါတယ်...........။


Thursday, July 12, 2012

ကောင်လေးရေ...


ကောင်လေးရေ....
နင်လဲချစ်သလို..ငါလဲချစ်တဲ့...
ငါတို့ရဲ့မြို့လေးကို ခဏခဏ
ပြန်မလာပါနဲ့နော်....
နင်ပြန်သွားပြီးရင် လွမ်းလွမ်းပြီး
ကျန်ရစ်ခဲ့ရတဲ့ ဝေဒနာကို ခံစားဖို့
ငါလေ  အဆင်သင့်မဖြစ်သေးလို့
ကျင့်သားမရသေးလို့ပါ ။
ကောင်လေးရေ...
နင်လဲချစ်သလို ငါလဲချစ်တဲ့...
ငါ့တို့ရဲ့မြို့လေးထဲမှာလေ...
နင်မရှိတော့ ...အရမ်းကို
တိတ်ဆိတ်ပြီး ခြောက်ကပ်နေလိုက်တာ
ငါတစ်ယောက်ထဲ တကယ့်ကို
အထီးကျန်ဆန်လိုက်တာဟာ...
ငါတို့ရဲ့မြို့လေးတောင် နှင်းငွေ့တွေကြားမှာ
အသက်မဲ့သွားသလိုပဲ...။
ကောင်လေးရေ.....
နင်လဲချစ်သလို...ငါလဲချစ်တဲ့
ငါတို့ရဲ့မြို့လေးထဲမှာ......
ငါနင့်ကို စောင့်နေတယ်လေ.....
ငါလွမ်းသလို နင်လဲလွမ်းတတ်မယ်ဆိုရင်
ခုချိန်ဆို နင်ငါ့ဆီပြန်လာဖို့ကောင်းပြီပေါ့ ။

Sunday, June 10, 2012

မ......
ညညဆို အိပ်မက်မှာအလည်လာ......
သန်းခေါင်ယံကျမှ ကိုယ်ထင်ပြတတ်တဲ့ မကို...
တဘ၀လုံး ကျွန်တော့်နှလုံးသားကို အပ်နှင်း....
ဆယ်စုနှစ်များစွာကို မ နဲ့အတူတူ
ဖြတ်သန်းခွင့်ရချင်တယ်........
ကျွန်တော့် ဆန္ဒတွေ ဘယ်တော့များမှ
လက်တွေ့ဖြစ်လာမှာလဲ မသိဘူး.....
မ.......
မက ခေါင်းငြိမ့်ဆို ခေါင်းငြိမ့်.......
မက ဒူးထောက်ဆို ဒူးထောက်.....
အရာရာကို  မစိတ်တိုင်းကျ
ဖြည့်ဆည်းပေးခဲ့တဲ့ ကျွန်တော်
ဘယ်တော့များမှ မမျက်နှာကို
မော်ဖူးခွင့်ရပါ့မလဲ မသိဘူး........
မ.......
မနက်ဖြန်ဆို “Valentine Day” တဲ့
သူငယ်ချင်းက ပြောတယ်လေ......
ကောင်မလေးနဲ့ အတူတူလျှောက်လည်မလို့တဲ့..
ပျော်စရာကောင်းလိုက်တာနော် မရယ်......
ကျွန်တော်လဲလေ မနဲ့ နှစ်ကိုယ်တူ......
ဘယ်တော့များမှ  အဲလို.....
ကြည်နူးခွင့်ရပါ့မလဲ မသိဘူး....
မ.....
ကျွန်တော် လောဘကြီးသလိုများ
ဖြစ်နေပြီလားဟင်.......?
ဒါမှမဟုတ်..“.မ”ကပဲ
မကြင်နာတတ်ခဲ့တာလား....?
တကယ်ဆို .....မရယ်.....
ကျွန်တော်က“ မ”သဘောနဲ့
အသက်ရှင်နေမိတဲ့သူပါဗျာ.......
ကျွန်တော့်ဘ၀ရဲ့ နာရီ..မိနစ်..စက္ကန့်တိုင်းကိုလဲ
“မ” ကသာ ပိုင်တာပါ........
ကောင်းကင်တမွတ် ကြယ်ကိုဆွတ်လို့
ပင်လယ်ပြင်ကိုပဲ လက်ပစ်ကူးခိုင်းကူးခိုင်း
အရာရာကို “မ” စိတ်တိုင်းကျဖြစ်ရစေမှာပါ.....
ကျွန်တော် “မ” ကို အဲဒိလောက်တောင်ချစ်တယ်..
“မ”ရယ် အဲဒါကို “မ” နဲနဲလေးမှတောင်
မခံစားမိဘူးလား ?.....