Friday, November 2, 2012

ဒီလိုပဲ ...အားတင်းပြီး...ဆက်လျှောက်

ပန်းတိုင်မရှိပဲ  ခရီးဆက်နေရတဲ့ဘ၀မှာ
လမ်းကလဲ အမြဲလိုလိုပျောက်ပျောက်နေတတ်လို့
အားငယ်စိတ်နဲ့  စိုးရိမ်သောကတွေဟာ
အိပ်ပျက်ညတွေရဲ့ ခြေရာ ...( ဒီလိုနဲ့ )
ငါ့ဘ၀မှာ အနှုတ်လက္ခဏာဆောင်နေတဲ့ ညတွေ
တဖြေးဖြေးနဲ့  များများလာခဲ့ပြီလေ
ဧပရယ်ရေ.......
ငါတို့တွေ့ခဲ့ကြတဲ့  နောက်ဆုံးနေ့ကလိုပါပဲ
မြင်မြင်ရာ  နေရာတိုင်းမှာ 
ခြောက်သွေ့ခြင်းတွေနဲ့  လေးလံထိုင်းမှိုင်း.....
အပြိုင်းပြိုင်းကျနေတဲ့  ပင်အိုကြီးတွေ..........
ဖေးကူ ကယ်ဆယ် ကောက်ယူမဲ့သူ
ကင်းမဲ့နေတဲ့ မြေပြင်ပေါ်က ရော်ရွက်ဝါလေးတွေ......
နွေရဲ့သရုပ်ကို အစွမ်းကုန် အံထုတ်
ဖော်ထုတ်  ပြသနေကြလေရဲ့......
ကျွန်တော့်ရှေ့မှာ  မြင်နေရတဲ့
ပစ္စုပ္ပုန်ဆိုတာကြီးကို  ခဏလောက်ဖြစ်ဖြစ်
ကျွန်တော် မေ့ထားလိုက်ချင်တယ်ဗျာ..
အနာဂတ်ဟာ  မိုးလိုစိမ်းစိုနေမလား
ဆောင်းလိုပဲ  အေးခဲနေမလား
ကြိုတင်မမြင်နိုင်သေးတဲ့  အနာဂတ်ကို 
စိတ်ကူးနဲ့  မှန်းမျှော်ကြည့်ရတာ 
တခါတခါ ရင်ခုန်စရာတော့ အကောင်းသားဗျ....
ဘ၀ဆိုတာ ရာသီတိုင်းပွင့်တဲ့ ပန်းလိုမဟုတ်ဘူး....
လင်းတလှည့်   မှိန်တခါ
ကြွေတလှည့်   ကြက်တခုန်
လောက  ဇာတ်ခုံပေါ်မှာ
အဖုံဖုံ  ကရချည်သေးရဲ့.....
နောက်ဆုံးကားလိပ်  မချခင်အထိတော့
ငါဟာ  ဒီကမ္ဘာမြေပေါ်မှာ 
ရှင်သန်နေဆဲ  လူတစ်ယောက်ပါပဲ....


( ဒါကတော့ ကျန်နေသေးတဲ့..မိုးနတ်ရဲ့ ချစ်ကိုကြီး အကိုလွင်ပြင်အတွက်...အမှတ်တရကဗျာလေးပါ
အကို့ကို ကျေးဇူးဆပ်ချင်နေတာ ကြာခဲ့ပါပြီ......မိမိုးနတ်ကလဲ ရေးတတ်တာ ဒါပဲရှိတာမို့...
နောက်တစ်ခေါက်မှ ဒိထက်ကောင်းအောင်ရေးပေးမယ်နော် ချစ်ကိုကြီး....ညလေးဘလော့လေးကို
ပထမဆုံးလာပြီး အားပေးခဲ့တဲ့ အရင်ဆုံးမန့်ခဲ့တဲ့ အကိုတော်ရဲ့ ကျေးဇူးကို ညလေးဘယ်တော့မှမမေ့
ပါဘူး.... အကိုပေးခဲ့တဲ့ ခွန်အားတွေကြောင့် မိုးနတ်ခုလိုရှေ့ဆက်နိုင်ခဲ့တာပါ...ချစ်မကြီးနဲ့ ချစ်ကိုကြီးကို
အမြဲသတိတရရှိနေပါတယ်....ကျန်တဲ့ဘလော့ဂါမောင်နှမတွေကိုလဲ မိုးနတ်အရမ်းသတိရနေတယ်..
ပြီးခဲ့တဲ့ လေးငါးရက်က မိုးနတ် အစီအစဉ်မရှိပဲ ဗြုန်းစားကြီး ခရီးထွက်လိုက်ရလို့ အားလုံးကို ပြောခဲ့ချိန်
တောင်မရလိုက်ဘူး....ခုတော့ မိုးနတ်ပြန်လာပြီး....အသစ်တွေဆက်တိုက်တင်တော့မှာပါ......
ကျန်းမာရေးကောင်းအောင်လဲ အထူးကြိုးစားနေကြောင်း သတင်းကောင်းပါးလိုက်ပါရစေ.....:P
မိုးနတ်ကို အမြဲအားပေးခဲ့တဲ့ မောင်နှမတွေကို အရမ်းကျေးဇူးတင်ပါတယ်....
ခုတလော မိမိုးနတ်တစ်ယောက် အသဲကွဲနေတာမို့...ရှေ့လျှောက်ပြီး ပို့စ်အသစ်တွေတင်ရင်
နားညည်းဖို့သာ ပြင်ထားပါတော့ဗျို့.......
အကိုလွင်ပြင်ရေ......ကဗျာလေးက အဓိပါယ်မကောင်းဘူးလို့ ထင်ရပေမဲ့....စာသားတွေကိုအာရုံမထားပဲ
ကဗျာသဘောကိုသာ ခံစားကြည့်ပေးဖို့ မိုးနတ်တောင်းပန်ပါတယ်နော်......အမှားပါသွားရင်ခွင့်လွှတ်ပါရှင်..)

8 comments:

  1. အားပေးသွားတယ်နော် မိုးနတ်
    အသဲကွဲပေမယ့် လဲပြိုမသွားပဲ အားတင်းပါ... ဆက်လျှောက်ပါ
    ကျန်းမာရေးလည်း ဂရုစိုက်ပါ :)
    ခင်တက်တဲ့
    လေပြေ

    ReplyDelete
  2. လင်းတလှည့် မှိန်တခါ
    ကြွေတလှည့် ကြက်တခုန်
    လောက ဇာတ်ခုံပေါ်မှာ
    အဖုံဖုံ ကရချည်သေးရဲ့.....
    နောက်ဆုံးကားလိပ် မချခင်အထိတော့
    ငါဟာ ဒီကမ္ဘာမြေပေါ်မှာ
    ရှင်သန်နေဆဲ လူတစ်ယောက်ပါပဲ...
    ဟားးးးးးးးးးကဗျာသဘောကိုသာ ခံစားကြည့်ပေးဖို့ ပြောပေမယ့်
    ကျနော်ကတရားသဘောလေးတောင်တွေ့လိုက်မိသလိုလို..။

    ReplyDelete
  3. ကဗျာလေး သဘောကျသဗျာ... :)

    ReplyDelete
  4. တူတူပါပဲ နေမကောင်းဘူးဗျို့ လာရောက်ဖတ်ခဲ့ ခံစားခဲ့တယ်မိုးနတ်ရေ
    ချိပ်ညစ်ဒယ် နေမကောင်းလို့လေ
    ချစ်တဲ့ sis jasmine

    ReplyDelete
  5. ကျေးဇူးပါ ညလေးရေ ကဗျာလေးကလဲတကယ့်ကိုကောင်းပါတယ် ။
    အသဲကွဲနေတော့ အသဲကွဲကဗျာတွေထွက်လာအုံးမှာပေါ့ စောင့်မျှော်အားပေးလျက်ပါ

    ReplyDelete
  6. ကျွန်တော့်ရှေ့မှာ မြင်နေရတဲ့
    ပစ္စုပ္ပုန်ဆိုတာကြီးကို ခဏလောက်ဖြစ်ဖြစ်
    ကျွန်တော် မေ့ထားလိုက်ချင်တယ်ဗျာ..
    အနာဂတ်ဟာ မိုးလိုစိမ်းစိုနေမလား
    ဆောင်းလိုပဲ အေးခဲနေမလား
    ကြိုတင်မမြင်နိုင်သေးတဲ့ အနာဂတ်ကို
    စိတ်ကူးနဲ့ မှန်းမျှော်ကြည့်ရတာ
    တခါတခါ ရင်ခုန်စရာတော့ အကောင်းသားဗျ....

    ReplyDelete
  7. ကဗျာလှလှလေးကို မျှဝေခံစားခဲ့ပါတယ်ဗျာ ။

    ဆက်လက်ထုဆစ်နိူင်ပါစေ မိုးနတ်ရေ .....

    ReplyDelete
  8. အားတင်းပြီးဆက်လျှောက်တာပဲ။အဲဒီသိပ္ပံလမ်းမကြီးကရှည်လျားလွန်းတယ်ကွယ်။ ဟိစတာနော်။ ပြောစမ်းဘာ။ငါ့ညလေးကို ဘယ်တူအသဲခွဲသွားတာလဲ။ ဒီကလဲ အသဲကွဲနေတာနော်။ ဟင်း။ စာမေးပွဲကြီးနဲ့မို့ အားတင်းထားရတာ။

    ReplyDelete

အားဆေးလေးတိုက်ခဲ့အုံးနော်....ဟိ